ഞാൻ

 

ഈ ഇരുണ്ട വഴിയിൽ ഞാൻ എന്നെ തേടുകയും 

ഞാൻ നീ മാത്രമായിരുന്നെന്ന് തിരിച്ചറിയുകയും 

പറയാൻ ബാക്കി വെച്ച കഥകളിൽ 

കരഞ്ഞു തീർക്കാൻ യുഗങ്ങൾ ഇരിക്കുന്നു 

കേൾക്കാനില്ലാത്ത കാലൊച്ചകൾ ഇനിയും വേട്ടയാടാതിരിക്കാൻ 

കാതുകൾ ഞാൻ പണയം വെക്കട്ടെ 

ഈ ഇരുളിൽ 

നെറുകയിൽ ഒരു ചുംബനവും കരയാൻ ഒരു വിരിമാറും 

ഞാൻ അർഹിക്കാത്തതെന്തെന്ന് നീ എനിക്ക് പറഞ്ഞു തരിക 

ശേഷം 

ഈ വരണ്ട ഭൂവിൽ കുഴിച്ചു മൂടാൻ 

നീ എന്നെ തിരികെ തരിക